MIHRANG

AN OPEN APPEAL FROM PRO-BURMESE

2009-05-17T06:49:00.001-07:00

Dear Friends, Nobel Peace Prize Laureate & Jawahal Nehru International OutstandingAward winner, Daw Aung San Suu Kyi’s health condition has beendeteriorating since 7th May 2009. Yesterday (14th May 2009), the Burmese military regime transferred theworld democracy leader, Daw Aung San Suu Kyi to the notorious InseinPrison in Rangoon and made her appeared before a special court forcharges accusing her with fabricated case. She may face a three yearsprison sentence under the pretext that John William Yettaw, a UScitizen came to her house on his own initiative. We, the Burmese pro-democracy activist living in India stronglycondemn the machinations of the Burmese military regime aimed atextending the detention of Daw Aung San Suu Kyi on the basis oftrumped up charges. We are staging a protest demonstration against Burmese Military Junta in Delhi. We seek the much needed support and solidarity. from the Indiancommunity at this time. We look forward for your kind presence at thedemonstration. Date : 16 May 2009 (Saturday) Time : 11:00 am Place : Jantar Mantar Thanking you. Burmese pro-democracy groups

HSA General Hqt. MIPUI KUOMA NGENNA LE INHRIETTIRNA

2009-05-17T06:41:00.000-07:00

OFFICE OF THE HMAR STUDENTS’ ASSOCIATION General Headquarters MIPUI KUOMA NGENNA LE INHRIETTIRNA May 16, 2009 (Inrinni) Manipur simthlang biela Gospel Chanchintha hung lutna chu kum 100 a tling tep tah a. Ei hnam le ei ramin Khristien sakhuona ei zawm leiin nasataka dawmkang ei ni zie ei hriet seng. Ei sakhuo thar zara ei nitin nun, ei fak le dawn zongna, ei ngaidan le khawnghat, ei incheidan le a dang dangah hma ei sawn zie inphatruol a ni nawh. Khristien sakhuo zarin ei khawtlang ro inrelbawl dan khawm nasatakin thlakdanglam a hung nia, khawtlanga nuhmeihai ngirhmun nasatakin a dawmsang bawk. Ei hnamin Khristien sakhuo le a ruola ei intawngpui chu education (inchukna) hi a nih a. A tir khan hrat taka inthangin lekhathiem le chu zara kamdingna nei tamtak ei suok pha a. Sienkhawm, tutaka ei hnam le ei rama education ngirhmun ruok hi chu hang en thuok ringot khomin lungril a na naw thei nawh. Mitinin inchukna tienga ei hnam thlaksiet zie hi ei hmu senga, ei invawi seng bawk; siemthat khom ei nuom senga chu a natna a lo khir ta em lei amani ding a law dan ding rak ei hriet naw khawm nisien a hawi hle. Thuring inanglona lei ni kher loin ei hnam sungah kohran thahnemtawktak a uma; pawl tinin inchukna ngai ei pawimaw lei ni kher loin khaw tina skul ei nei leiin sakhuona le inchuknaah hma ei sawn pha sawt naw zie khom a hrie le hmutu seng ei ni ring a um. Kohran tinin education (skul) le inzoma tha-le-zung le, sum-le-pai ei sengral rawn zie en chun a ra (result) ei sik tawk naw hle niin anlang bawk. A khawseng hri hrin ei rama sawrkar skul hlak chu a hlawsam der el si. Hmarrama (Tipaimukh) sawrkar skula ding hin sawrkar in kumtin a vaibelsie tel seng sienkhawm a rasuok hmu ding a tlawm em em. Manipur a hin Hmar tawng hi class VIII chen medium of instruction a phalpek ei ni baka BA level chenah MIL-a phalpek ei nih a, Assama khawm sawtnawtein Class XII chen ei nei bawk ding an tah. Sienkhawm, hienga ei bubitna taka education/skul a mumal naw zing chun ekha inchuksang ding naupang tlawm tiel tie lei ta, Hmar MIL la (offer) ding khawm ei inkhat phier phier el ding khawm nisien ahawi a nih. Tulai thangtharhai lai kohran inpumkhatnawkna dinga ngaidan le hmalakna a um tan meka chu vawilekhata um dingin beiseina ansang bek nawh. Sienkhawm, education a ruok hin chu nuom tak tak inla chu ei inpumkhat theia; ei inpumkhat ngei khawm a ngai a nih. HCLF hmalakna in Hmar kohranhai inpumkhatna lampui ei hraw tan meka; Gospel Centenary khawm ei lawm khawm ding a nih. Sande skul-a khawm ei inpumkhat der tah. Ei rama inchukna ngirhmun hi a hmun ngeia en fiea, a siemthat dan lampui ding dap le hriltlang dingin hung tlung ding October 1 4, 2009 hin Parbung Sub-Division Headquarters-ah HMARRAM EDUCATION CONFERENCE nei dinga inbuotsai a nih. Hi inkhawmpui, plenary session le discussion huna thuhril nuom hai chun mani hming, khuo, nina le sabjek/thuhril ding tlangpui (summary) ziek ngeiin July 2009 bo hma ngeia HSA General Headquarters thruoituhai kuom tlung dinga peklut thei a nih. E-mail hmanga thawn nuom hai chun hsaghq@rediffmail.com a khawm thawn thei ni bawk a tih. Hi prawkram le inkhakbuoi thei ding mimal le pawl tukhawmin prawkram dang lo siem lo hram dinga ngen le inhriettir ei ni bawk. HSA General Headquarters aiin, Sd/ Sd/ (Lalthlamuana Hmar) (Dr. John H. Pulamte) General Secretary President

Hot Topic of HSA at the Gen. Hqt level. "THE RESOLUTION"

2009-04-07T06:02:00.000-07:00

PROCEEDINGS OF THE JOINT MEETING OF HSA (GHQ), HSA NC HILLS & KARBI ANGLONG JOINT HEADQUARTERS, HSA BARAK VALLEY JOINT HEADQUARTERS, HMAR MIL MONITORING COMMITTEE AND EDUCATION REBUILDING PROGRAM (ERP, RPC, NEI) April 3, 2009, zing dar 11:00 hin Hmarkhawlien, Cachar, Assam-ah HSA Gen. Headquarters inrawina hnuoia a chunga pawl hai hi Joint Meeting nei a nia; a hnuoia hai hi rel an nih. Members Present: Sl. No. Name Designation Khuo Lalthuthlung President, HSA BV Jt. Hqrs. Hmarkhawlien Joseph R. Hmar Vice President, GHQ Imphal Rosem Varte Administrator, ERP Hmarkhawlien Lalringum Sanate Vice Chairman, Hmar MIL Comm. Hmarkhawlien K. Lalsanhim Asst. Secy., Hmar Inpui Hmarkhawlien VL Ronghak Khojol President, HSA Mahur Area Mahur, NC Hills Lalhmarthang Tuolor Vice President, HSA NC Hills & KA Muolhoi John Pulamte President, HSA Gen. Hqrs. Imphal James Lalnunsang Gen. Secy., HSA BV Jt. Hqrs. Hmarkhawlien L. Thanmawia Pajamte Adviser, HSA BV Jt. Hqrs. Hmarkhawlien Hun hmasataka meeting keihruoitu Dr. John Pulamte, President, HSA GHQ-in Pathien kuomah trongtraina a nei. Resolution 1: Hmar MIL Committee a fe pei dan ding ngaituona nei dingin terik 13th June 2009 khin Silchar ah HSA Gen. GHQ. Inrawina hnuoiah HSA Barak Valley Jt. Hqrs, HSA N/C & Karbi Anlong Jt. Hqrs, Hmar Literature Society Barak Valley, Hmar Literature Society Assam le Hmar Literature N/C hail eh joint Committee nei nisien tha kan tih. Resolution 2: January 2009 a inthawka June 2009 sunga Hmar MIL zirtirtu hai lawm man dingin a hnuoia ang hin siem pek tha kan tih. Barak Valley - Rs. 30000/- (singthum) N/C Hills - Rs. 20000/- (singhni) Resolution 3: Education Rebuilding Program, RPCNEI, in Hmar inchuklai hai le Hmar tawng suk hmasawnna dinga sum le pai le, tha le zung vawisun chena a hung thawlawm hai lawmum kan tih. Hmatieng peiah khawm anni a inthawkin Hnam in beiseina insangtak a nei. Hun tawpnataka Pu L. Ronghakin Pathien kuomah trongtraina a neia inkhawm suktawp a nih. (James Lalnunsang) (Dr. John Pulamte) Recording Secretary Meeting Chairman

HSA PUNE 2009-10 ELECTION

2009-03-31T21:36:00.000-07:00

Date.22th March, 2009 sunday inkhom tin khan HSA Pune kum 2009-10 sunga thuoitu ding inthlangna nei ani a. Tukum sunga thuoitu dinga thlangtlinghai post le an hming a hnuoia ang hi anih: 1. President: Andrew Joute 2. Vice-President: Ernest Thachunghnung 3. General Secretary: Lalthalem Darngawn 4. Asst. Secretary: Roparlien Hmar 5. Finance secy: Julie Varte 6. Treasurer: Lalruotzo 7. Info. Scy: Hmingsanglur 8. Games & sport: Achung Kom 9. cultural Scy: Lallawmsang 10. Education Scy: Lalhmingthang Hieng hai hin HSA Pune chu kum 2009-10 sung hrat tak le tluong taka an thuoi ngei beiseina insangtak mipui haiin an nei a nih ti hrie zinga an thuoitheina dingin ei tawngtaina a hai lo hre seng ei tiu. Charge inhlanna hunser chu nei vat ani ding thu mi thenkhat a inthawk thu dawng anih. HSA Pune hi kum 2003 khan HSA Gen.Hqt a in register a lo ni ta a. Kum naupang te khawm nisien Pune sunga members inchuklai le sin thawhai zai khata luongkhawm theina dinga thang la in sin tamtak a thaw tah a ala thaw pei ding a nih ti chu mitin hriet le inhmai ruollo a nih. An tan tir ngaituokir chun tuchena a kalbi hi hla tak fe tah a nia. Pune sunga members an pung pei a hieng hai hi admission huna thangpui le an tulna na a lo bawisawm hi HSA mawphurna pakhat lientak a nih. Chun, inchuklai hai an inchukna senga thataka an thaw theina dingin HSA Pune chun hma la in motivational efforts tamtaka sin alo thaw tah a. Mobile News hai service in HSAmembers a biktakin inchuklai hai hmakhuo ngaina leiin sum le pai hai chen seng rin lovin hma a lak pei a nih. HSA Pune thuoitu hai hi inpak an um in an inpekzona hi lawm a um bek bek a, mani sin pawimaw hai le tul hai tlansanin HSA mipuihai tulna ani phot chun a hmasa taka hma la in mipui hai an kei hruoi a. Hi lei hi a nin nawm HSA pune hin hieng lawma hma a sawn pha hih! Nikum lai el khan HSA Pune a History dingin kum 6 lai cho hmel la hmu sienkhawm Annual Magazine, "MIHRANG" alo suksuok ta der a. Hmatieng peia khawm hma lak dan ding ngaituotupawl han an ngaituo mek ani thu chanchin hriet a nih. HSA pune hi HCF Pune le inlung ruol tak le kut inchelin kal an pen dun a. A tulna naa inthangpuiin Pune sunga HMAR hai ta ding in thang an lak tlang a nih. Pune sunga HMAR hai ta ding chun tithawng a um naw a. North East mi hnam danghai nekin pune hmarhai hi an inunauna anthuk lema. an in hmangai lem bawk. unau ang vawng le sungkhat ang vawnga changal inlawr kawkal thei vawnga um an ni leiin hma lak dan kawng iengkima an hawi in thangruol an thiem em em a nih. inthuruol chu hratna a nih" ti hi HSA Pune le HCF Pune hai pahni inthuoidan a inthawk hin inchuk thei a nih. PuneHmar hai vul zing sien, ram le hnam ta din ka theina a tlawm ti pum zingin kal pen dingin ditsakna insangtak inhlan in nih. HSA pune dam zing raw seh!

OUTGOING HCF PUNE CHAIRMAN Mr.&Mrs. SALEM LALDITUM HMAR

2009-03-07T10:06:00.000-08:00

Ei ngai em em HCF Pune nu le pataka ei nei le neitu chan chang taka mi lo keithuoitu Pu Salem Lalditum Hmar le a nuhmei Pi Cross Lalremruot hai chu an hun nei la umsun a hai inhawi tak le thlakhla ngawi2 ni awm takin camp sung khom hun an hmanga. hi hi an thlalak a nih. Anni hi UBS a BD final year thaw lai mek an na. Thlathar el a graduate ding an ni ta leiin in ro an um em em a. Pune a cham zing thei an ni ta naw leiin goodbye ei ti a tul vang an tah.

SOME OFTHE IMAGES OF THE REGENERATION CAMP OF HCF PUNE.

2009-03-07T10:01:00.001-08:00

Speaker Rev.Chungthang Thiek in pathienthu a hril lai.

SOME OFTHE IMAGES OF THE REGENERATION CAMP OF HCF PUNE.

2009-03-07T09:50:00.001-08:00

HCFPune SIEMTHARNAWKNA CAMP, February, 2009

2009-03-07T09:45:00.000-08:00

a HCF Pune chun hun liemtah Februay 5-8, 2009 sung khan SIEMTHARNAWKNA CAMP Rev. Chungthang Thiek speakerna hnuoiah hlawtling taka hmang zo alo ni tah. Campers hai an hlimin camp a hlawtling hle a Mumbai tienga unauhai khawm mi iemanizat zet hung thang ve in LALPA malsawmna tamtak leh intieng an inlawi nawk.

SIEMTHARNA CAMP REPORT

2009-02-10T09:05:00.000-08:00

Dittakhai, Ahmasatakin, bohmanghai zawnga sandam dinga hung ei Lalpa Isu Krista hmingin chibai ka buk cheu. Liemtah Feb. 5-8 2009 sung khan SIEMTHARNAWKNA CAMP chu YMCA Camp, Lakeside, Nilshi hmunah Pune le Mumbaia hmar nau 70 deuthaw fekhawmin hlawtling taka zo a lo ni tah. Speaker Rev. H.C. Thiek khawm Lalpa'n a hmanga a ropui kher el. HI camp a hin thalai nunghak tlangvalhai lai 'piengtharna' le sandam inhrietna el nilovin SUOL INHRIETNA (suol simna) a tlung nasa em em el a. Nuoma hlima lam ringawt el nilovin lungril tak taka suol inhrietna le suol ngaidamna chang an tam hi a hlawtlingna em em chu a nih. Hieng thalai Pathien neitu tak tak hai hmang hin Lalpan ei ram le hnam la tungding nawk sien nuom a va um de aw! Ditkhawplo takin hi camp hi tumtiek a niha, hieng thalai Pathien nau nina inhre thar hai hi tawngtainaa san an tul em em a nih. Camp hlawtlingna dinga sum le pai le tawngtainaa lo thang hai po po kha Lalpa'n a let tamin malsawm raw se cheu. Lalpa ropuitak raw se! Kristaa in unau, Samuel L Songate

PUNE HMARNAUHAI

2009-01-09T07:45:00.001-08:00

PUNE HMARNAUHAI THENKHAT

2009-01-09T07:45:00.000-08:00

HSA FOOTBALL TEAM NESAP TOURNAMENT CHAMPION

2009-01-09T07:42:00.000-08:00

HSA Pune Football Teamm chu Captain Jeff Lalhnungzui inrawina hnuoiah North East Students Association, Pune Sports a participate in Footballah Hrattak nina alo hau tah.

HSA FRESHERS SOCIAL NIA CHIEF GUEST THUHRIL LAITAK

2009-01-09T07:38:00.000-08:00

Pu Darzakhum Songate, IRS INCOME TAX Mumbai, chu September, 2008 khan " The 6th HSA FRESHERS SOCIAL " Chief Guest niin hi hun pawimawtak hi Pune Hmarnauhai hmangpuina a nei.

HSA PUNE CULTURAL TROUPE HAN HNAM LAM AN INENTIR LAI

2009-01-09T07:35:00.000-08:00

HSA Pune chun kumtin Freshers Social, sports day le thil dang dangah participation la in a mipui hai alo keihruoi hlak a. Chuong huna hai chun Cultural Troupe hai khawm hi active takin ei Hnam mawina le dang daina "HMAR HNAM LAM" inentirna hi an nei zie hlak a nih.

MIHRANG Magazine EDITORIAL BOARD HAI

2009-01-09T07:30:00.000-08:00

MIHRANG Magazine release ni in mipuihai hmaah "chawimawi tlaka sintha thawtuhai ke chu a mawi ie" tia an ngir khawm lai lim hi chieng takin hang biechieng la lawm hai chu lawmpui naw thei naw ti nih..

MIHRANG Magazine Release nia Poster.

2009-01-09T06:59:00.000-08:00

Chawimawi tlak mihrang hai hi an mawi in suong an um ngei el..

HSA Pune Annual Magazine MIHRANG Tlangzar a ni tah.

2009-01-08T05:55:00.000-08:00

Hun sawttaka inthawka HSA Pune in alo buoipui tah Mihrang Annual Magazine chu December 6, 2008 khan Rev.K.H.Thang Dailo in Kondhwa ah Tv. Simon Joute hai inah tlangzarna a nei. Uoptu mipui an thahnem in programme khawm a hlawtling hle. Hi chunga hin buoipuitu a biktakin HSA Editorial Board hai inpak an um in an tlawmngaina hai hi hriet zing tlak zet a nih. Magazine Board hai hming le an sin chel hai chu a hnuoia ang hi anih. Editor: Immanuel Hmingsanglur Asst. Editor: Roparlien Hmar Circular Manager: Lalthalem Darngawn Graphics & Design: Ernest Thachunghnung Honorary Members: Lalhmunsang Tusing Pu Samuel Songate Alan Thiek. An chungah HSA Pune chu a lawm hle a. Hmatieng peia malsawmna tamtak dawng pei dingin ditsakna an hlan mawl mawl bawk a nih.

2008-2009 SUNGA HSA PUNE THUOITUHAI

2009-01-07T06:20:00.000-08:00

KRISTMAS CHAWL HMANGA VENG SUOK HAI AN HUNG INLAWI KHAWM MEK

2009-01-07T06:09:00.000-08:00

Ei members kristmas chawl hmanga veng suok hai khawm Pune a mihrang ramtuon in an hung intawl suk mek nia chanchin dawng a nia, tukum chu beitaktak kum ei ti ta bawka thiemna runpui belin nasatakin degree pel dingin ei thieminchuk hai khawm an inpuocha zing a nih.